Ministrja e Jashtme e Gjermanisë ka mbledhur gjatë ditës në Berlin ministrat e jashtëm të Ballkanit Perëndimor në kuadër të 10 vjetorit të Procesit të Berlinit.
Siç njofton MPJ-ja gjermane, pjesëmarrësit nga gjashtë vendet e Ballkanit Perëndimor kanë rënë dakord për elementët e mëposhtëm për të thelluar bashkëpunimin rajonal dhe për të avancuar tregun e përbashkët rajonal dhe marrëdhëniet e fqinjësisë së mirë:
-Një arritje e dukshme është Marrëveshja për Aksesin në Arsimin e Lartë dhe Pranimin në Studimet e Lartë në Ballkanin Perëndimor. Kjo marrëveshje synon t’u japë studentëve të drejtën për të ndjekur studimet në institucione të akredituara të arsimit të lartë dhe promovon lëvizshmërinë e studentëve dhe do të përmbyllet në Samitin e Procesit të Berlinit më 14 tetor 2024.
-Pjesëmarrësit miratuan një deklaratë mbi Standardet Rajonale të Ekzaminimit të Investimeve të Huaja Direkte (IHD) për gjashtë vendet e Ballkanit Perëndimor. Këto standarde synojnë harmonizimin e politikave të investimeve me standardet e BE-së dhe praktikat më të mira ndërkombëtare, duke e bërë kështu rajonin më tërheqës për investitorët e huaj.
-Një Deklaratë e përbashkët për Aksesin dhe Bashkëpunimin në Infrastrukturën e Kërkimit dhe Inovacionit u ra dakord nga pjesëmarrësit që do të inkurajojë partneritetet kërkimore dhe inovative dhe do të lehtësojë një ekosistem dinamik rajonal të inovacionit.
-Së fundi, pjesëmarrësit e Gjashtës së Ballkanit Perëndimor nënvizojnë përkushtimin e tyre për bashkëpunimin rajonal në një Deklaratë të Përbashkët për Rikonfirmimin e Marrëdhënieve të Fqinjësisë së Mirë dhe Bashkëpunimit Rajonal me rastin e 10-vjetorit të Procesit të Berlinit, me synim miratimin e saj në Samit.
“Mezi presim të përdorim këtë moment pozitiv për të vazhduar fokusimin e përpjekjeve tona në avancimin e bashkëpunimit rajonal dhe përshpejtimin e integrimit në BE. Rikonfirmojmë vullnetin tonë për të përfunduar marrëveshjet dhe deklaratat e sipërpërmendura nga Samiti i Procesit të Berlinit më 14 tetor 2024”, u tha nga MPJ-ja gjermane.
Shpërndaje në
SONDAZH
Loading ...
