I Dërguari i Posaçëm i BE-së për dialogun Kosovë-Serbi, Miroslav Lajçak për draft-statutin e propozuar nga BE-ja, ai ka thënë se kanë qenë disa vende të rëndësishme që kanë kërkuar nga Qeveria e Kosovës që ta dërgojë në Gjykatën Kushtetuese për shqyrtim por që siç tha ai një gjë e tillë s’ka ndodhur, shkruan Gazeta Online Reporteri.net.
Sipas tij, Kosova s’ka pse të frikësohet nga dokumenti i propozuar nga Bashkimi Evropian, dhe shtoi se nuk do të propozonte diçka që nuk do ta propozonte edhe për vendin e tij.
“Nuk ka asnjë arsye për t’u frikësuar nga ky dokument, sepse siç thashë, ne do të bënim dhe unë personalisht nuk do të propozoja kurrë diçka që nuk do të propozoja për vendin tim, ose që e di që nuk i përmbush standardet evropiane., vlerat dhe praktikat evropiane”, tha Lajçak për Sbunker.
“Ky dokument është hartuar mbi parametrat bazë në të cilët kemi respektuar marrëveshjet ekzistuese të dialogut, sepse realisht duhet të ndërtohet mbi atë që është marrë vesh më parë, respektimin e kornizës ligjore të Kosovës dhe respektimin e vijave të kuqe që të dija palët i kanë paraqitur në diskutimet tona në dialog”, shtoi tutje ai.
Emisari sllovak theksoi se kanë qenë vetëm dy propozime zyrtare, ai i Ekipit Menaxhues dhe ai i vetë BE-së.
“Asociacioni i komunave me shumicë serbe është nga Marrëveshja e Brukselit e vitit 2023 e cila është ratifikuar me shumicën kushtetuese në Kuvendin e Kosovës. Dhe gjithashtu u ra dakord në 2013 dhe 2015 se si të arrihej atje. Domethënë, të ketë një statut i cili duhet të përpunohet në dialog. Ky statut sipas konkluzioneve të Gjykatës Kushtetuese të Kosovës duhet të miratohet nga Qeveria e Kosovës dhe t’i dorëzohet Gjykatës Kushtetuese për shqyrtim për t’u siguruar se është në përputhje të plotë me Kushtetutën e Kosovës”.
“Ka vetëm dy propozime të paraqitura zyrtarisht. I pari është teksti i propozuar nga i ashtuquajturi Ekipi Menaxhues, por nga thelbi, përmbajtje, ky propozim nuk ishte i pranueshëm për Kosovën dhe në shumë aspekte nuk ishte i pranueshëm për Bashkimin Evropian. Pas konsultimeve me shtetet tona anëtare, me ShBA-në, u vendos që ne të ndihmonim për të bërë këtë hap për palët dhe do të hartonim statutin”, tha Lajçak
