Në ‘Lajmet e fundit’, mbrëmë në RTK ka qenë i ftuar eksperti i sigurisë Fatmir Qollaku. Por me të nisur intervista me të nga moderatori, eksperti Qollaku në mënyrë demonstrative e ka lëshuar studion e RTK-së.
Kjo me arsyetimin, ngase sipas tij, ai ka pritur për më shumë se 35 minuta pas orës 23:00 të së hënës, për t’u futur në emisionin ku ishte i ftuar për të folur rreth situatës së sigurisë në vend.
“Unë në mënyrë demonstrative po dal nga studio, për me tregu se nuk jeni serioz fare, duke e lënë një njeri me pritë mbi 35 minuta pas orës 11 të natës, prandaj unë po shkoj”, ka thënë Qollaku derisa po dilte nga studiot e RTK-së.
Ky reagim i Qollakut erdhi pasi që moderatori i kërkoi atij edhe pak kohë që të priste për ta zhvilluar intervistën.
VIDEO:
