Një incident i rëndë ka ndodhur dje në në rrugën “Xhemajl Mustafa” në Prishtinë, saktësisht te lokali “Mellow bar”, ku një person i moshës madhore e ka sulmuar fizikisht një të mitur. I dyshuari tashmë është arrestuar nga Policia, ndërsa viktima ka pranuar ndihmë mjekësore.
Kosovalive mëson ekskluzivisht se i dyshuari në lidhje me këtë rast është 38-vjeçari, Rafet Hetemi.
Ndërkaq, viktima e këtij rasti është një 17-vjeçar, i cili është dërguar për t’u trajtuar në QKUK, si pasojë e lëndimeve që ka pësuar.
Në lidhje me këtë rast është informuar edhe Prokurori, me vendim të të cilit i dyshuari pas intervistimisht është dërguar në mbatje.
Rasti është inicuar si “Vetëgjyqësi dhe sulm”.
Shënim: Personi i apostrofuar në këtë artikull prezumohet i pafajshëm derisa fajësia e tij të mos provohet me vendim të formës së prerë nga gjykata.
