Shtetet e Bashkuara të Amerikës e mbështesin plotësisht dialogun ndërmjet Kosovës dhe Serbisë me ndihmën e Bashkimit Evropian dhe i dërguari i posaçëm për Ballkanin Perëndimor Gabriel Escobar po udhëton në rajon për të mbështetur këtë proces.
Kështu ka bërë të ditur sot Departamenti Amerikan i Shtetit në një deklaratë për agjencinë serbe të lajme Tanjug, transmeton Demokracia.com.
Siç ishte paralajmëruar edhe nga Presidenca e Serbisë, Escobar nesër në Beograd do të bisedojë me presidentin serb, Aleksandar Vuçiq.
Escobar pas Beogradit do të vijë në Prishtinë.
Vizita e Escobarit në Beograd dhe Prishtinë ka të bëjë me takimin e 18 marsit në Ohër. Edhe ai pritet të jetë në Ohër.
Kryeministri i Kosovës, Albin Kurti dhe presidenti i Serbisë, Aleksander Vuçiq do të takohen në Ohër më 18 mars ku do të diskutojnë për Aneksin e Implementimit të propozimit franko-gjerman.
Shpërndaje në
SONDAZH
Loading ...
