Kryeministri Albin Kurti ka pritur në Qeveri grupin e parë të qytetarëve nga Bosnja e Hercegovina që kanë udhëtuar në Kosovë me letërnjoftime, pas hyrjes në fuqi të vendimit të Qeverisë për heqjen e vizave.
Kurti ka thënë se prej sot fillon një kapitull i ri i ndërveprimit mes dy vendeve, duke shtuar se Kosova dhe Bosnje e Hercegovina kanë nevojë për ura të reja ekonomike, arsimore e kulturore.
“Republika e Kosovës dhe Bosnje dhe Hercegovina kanë nevojë për ura të reja ekonomike, arsimore e kulturore që i shërbejnë sigurisë së rajonit dhe mirëqenies së të gjithë qytetarëve. Ato ura duhet t’i ndërtojë Prishtina dhe Sarajeva. Nga sot fillon një kapitull i ri i ndërveprimit ndërmjet dy vendeve tona. Ju uroj mirëseardhje të gjithë qytetarëve të Bosnje dhe Hercegovinës që udhëtojnë drejt Kosovës. Janë të mirëpritur kurdo here”, ka shkruar Kurti.
Shpërndaje në
SONDAZH
Loading ...
