Depuetetët e betuar të Kuvendit të Kosovës sot mblidhen për të 29-ën herë për të vazhduar seancën konstituive të nisur qysh më 15 prill.
Çdo 48 orë janë mbledhur për pak minuta dhe kanë dështuar ta kryejnë punën e tyre, duke mos lëvizur nga qëndrimet sa i përket emrit të kryeparlamentarit, raporton Klankosova.tv.
Albulena Haxhiu, e propozuara e LVV-së për këtë pozitë, nuk ka arritur të zgjedhet 6 herë sa është hedhur në votim, deri kur kjo parti vendosi që të shkojë me votim të fshehur, por as ky process nuk kaloi.
Të gjitha subjektet politike kanë lëshuar akuza mes vete për blloakdën e krijuar, ndërkohë që askush s’ka bërë një hap për zhbllokim.
