Dje është përmbyllur afati për aplikim për të fituar statusin e viktimës së dhunës seksuale gjatë luftës në Kosovë.
Sipas të dhënave zyrtare, nga 20 mijë viktima që supozohet se u dhunuan seksualisht gjatë luftës në Kosovë, vetëm 2 mijë nga to kanë aplikuar në Komisionin Qeveritar për Njohjen dhe Verifikimin e të Mbijetuarve të Dhunës Seksuale.
Statusi u është njohur deri më tani 1500 viktimave dhe në proces për njohje apo edhe raste në gjykata si shkak i refuzimit janë edhe 500 viktima.
“Viktima me shifër 24”, është njëra nga viktimat të cilat, për RTK-në, ndër vite u rrëfyen për dhunën seksuale që përjetuan gjatë luftës në Kosovë.
Megjithëse i është pranuar statusi i viktimës së dhunës seksuale, ajo flet për sfidat nëpër të cilat ka kaluar për ta marrë këtë status.
Sikur kjo viktimë, edhe rreth 2 mijë të tjera aplikuan për marrjen e statusit. Ky afat ka përfunduar më 5 shkurt të këtij viti derisa mësohet se rreth 1500 grave e burrave deri më tani u është njohur statusi i viktimës së dhunës seksuale.
Feride Rushiti nga Qendra Kosovare për Rehabilitimin e të Mbijetuarve të Torturës, kërkon që procesi i aplikimit për marrjen e statusit të viktimës së dhunës seksuale të mos ketë limit kohor.
E për rastet në gjykata Rushiti tregon se si janë fituar rastet e këtyre viktimave.
Lidhur me aplikimin dhe procesin në tërësi, RTK ka kontaktuar kryesuesen e komisionit qeveritar, Luljeta Selmani, e cila nuk i është përgjigjur interesimit tonë për të folur rreth aplikimeve por edhe ankesave të personave të cilëve u është refuzuar statusi.
Edhe organizatat që merren me rehabilitimin e të mbijetuarve të torturës kërkojnë zgjatje të afatit për Aplikim.
Shpërndaje në
SONDAZH
Loading ...
