Rrugëtimin e bëjnë me linjën e njëjtë. Por, udhëtimi me autobusë urban prej disa ditësh nuk kalon nëpër rrugët e mëparshme.
Këta qytetarë të Prishtinës ndalen ne stacione tjera për shkak të bllokimit të rrugës “Geroge Bush” në qendër të qytetit.
Kjo ka bërë që të reduktohet numri i stacioneve të ndaljes, dhe atyre po iu shkakton pakënaqësi.
Më e vështirë kjo situatë është për personat e moshuar.
Që ka ankesa mbi qarkullimin e ri të linjave të autobusëve e pranojnë edhe në ndërmarrjen trafiku urban.
Jo vetëm atyre që e përdorin transportin publik, mbyllja e rrugës iu shkaktoi telashe edhe vozitësve.
Hapësira e mbyllur për qarkullim ka filluar të pësojë ndryshime.
Të martën u bë edhe largimi i ishullit që ndante rrugën, ndërkaq bashkë me këto punime është bllokuar edhe njëra hyrje e parkingut nëntokësor.
Megjithatë, një atmosferë krejt tjetër, shihet në anën tjetër të rrugës.
Kalimtarët të cilët po e shfrytëzojnë këtë rrugë tash edhe për shëtitje e vlerësojnë si pozitiv këtë ndryshim pasi sipas tyre Prishtina ka nevojë për frymë festash.
Televizioni T7 ka tentuar të marrë një qëndrim nga Komuna e Prishtinës nëse ndryshimet në rrugë do ta shndërrojnë përfundimisht në shesh këtë hapësirë, por ata nuk kthyen përgjigje gjatë së martës.
