Dhënia e tenderëve me negocim është nga procedurat më pak të preferuara.
Kjo për shkak se mundësitë për të bërë korrupsion janë shumë më të mëdha pasi s’bëhet publikimi i njoftimi të kontratës, shkruan kosovalive.net
Kjo lloj procedure po përdoret shumë nga Qeveria Kurti.
Së fundmi Ministria e Mbrojtjes ka dhënë një tender me negocim kompanisë “Beni Dona”.
“Beni Dona Plast SHPK” ka fituar tenderin për ’ Shërbimin me ushqim ( furnizimi, përgatitja dhe servimi) për nevojat emergjente për të gjithë kuzhinat të FSK-së ‘’.
Vlera e kësaj kontrate është 2 milionë e 142 mijë e 400 euro dhe vlen për 6 muaj.
Skandalet e raportuara të kompanisë “Beni Dona”
Mediat vitet e fundit kanë raportuar në lidhje me disa skandale të kompanisë “Beni Dona”.
Kompania “Beni Dona”, që furnizon me ushqim njësinë elite të Policisë së Kosovës, dyshohet se u ka dërguar atyre ushqime me afat të skaduar. Denoncimin bëhet e ditur se e kanë bërë vetë efektivët e Njësisë Speciale për Intervenim, ndërsa është publikuar në raportin e shpejtë të hetuesisë, të cilin e ka siguruar KOHA.
“Më datë 6.9.2022, në orën 17:50, hetuesit rajonalë kanë pranuar informatë se NJSI-ja me bazë në Kampin Belveder, në Lagjen e Bairit në Mitrovicë, ka një ankesë për furnizuesin e ushqimit të tyre, kompaninë Beni Dona SHPK”, thuhet në dokument.
Sipas raportit, hetuesit kanë shkuar në Njësinë Speciale dhe kanë fotografuar produktet ushqimore që dyshohet se u ka skaduar afati rreth një muaj më parë.
Atë kohë, raportohej se kjo kompani nuk kishte marrë dokumentat për licensim nga nga një kompani gjermane.
KONTRATA E PLOTË:
