Policia e Kosovës vazhdon angazhimin e saj në realizimin e planeve konkrete policore, që kanë për qëllim ngritjen e vazhdueshme të sigurisë në trafikun rrugor si dhe uljen e aksidenteve.
Gjatë patrullimit në Obiliq, njesitet e trafikut kanë gjobitur me 500 euro një drejtues të automjetit.
Sipas policisë, pas ndaljes, i është bërë testi dhe ka rezultuar që është nën ndikimin e alkoolit.
“Zyrtarët policorë nga Stacioni Policor Obiliq, gjatë realizimit të detyrave në teren, kanë ndaluar drejtuesin e automjetit i cili drejton automjetin nën ndikim të alkoolit. Kundërvajtësit i shqiptohet gjoba prej 500€, tri pikë negative dhe masa mbrojtëse për një vit”, thuhet në njoftimin e policisë.
Policia e Kosovës thekson se do të ndërmarrë masa ndëshkuese ndaj të gjithë shkelësve të ligjit të trafikut, me të vetmin qëllim ngritjen e nivelit të sigurisë në trafik dhe parandalimin e aksidenteve rrugore në përgjithësi.
Shpërndaje në
SONDAZH
Loading ...
