Ambasadori i Rusisë në Serbi, Aleksander Botsan-Kharchenko, ka thënë se Moska mund të përfshihet në dialogun ndërmjet Prishtinës dhe Beogradit. Ai ka deklaruar për TV Prva të Beogradit se një marrëveshje përfundimtare mes Kosovës dhe Serbisë do të mund të konfirmohej në Këshillin e Sigurimit të OKB-së.
“Rusia para së gjithash ka një qëndrim gjeneral, qasje gjeneralë, që neve na
konvenon, gjithçka që i konvenon Serbisë në kuadër të së drejtës
ndërkombëtare”, është shprehur ai.
Ambasadori rus ka folur edhe prë çështje të kufijve mes Kosovës dhe Serbisë. “Nëse do të ketë zgjidhje, nëse palët merren vesh rreth ndonjë opsioni, atëherë ky opsion do të duhet të përkrahet edhe nga Këshilli i Sigurimit”, ka deklaruar Botsan-Kharchenko.
I pyetur a ka Rusia vija të kuqe, diplomati rus ka përmendur Rezolutën 1244, dhe përsëri ka thënë se mbështesin atë vendim që është në interes të Beogradit dhe në kuadër të së drejtës ndërkombëtare.
I pyetur se si do të gjendet zgjidhja për rajonin, ai ka thënë se “duhen veprime te bashkësisë ndërkombëtare… ne jemi të gatshëm të ofrojmë ndihmë në kuptim të vendosjes së dialogut apo rifillimit të dialogut ekzistues”.
“Nëse Beogradi na kërkon qe t’i ndihmojmë në Këshill të Sigurimit, në raportet tona me BE-në, Uashingtonin, ne jemi të gatshëm”, ka thënë Botsan-Kharchenko.
“Nëse Serbia apo ndonjë faktor tjetër kërkon që të përfshihemi, ne së pari duam që të sigurohemi të dimë për përmbajtjen. Ne duam të sigurohemi se ky dialog zhvillohet në mënyre strikte, në kuadër të së drejtës ndërkombëtare dhe Rezolutës 1244”, ka përfunduar ai.
Shpërndaje në
SONDAZH
Loading ...
