Sot në Asamblenë Parlamentare të Këshillit të Evropës në rend dite është edhe anëtarësimi i Kosovës në Këshill të Evropës, shkruan Reporteri.net.
Presidentja e Kosovës, Vjosa Osmani në një postim të bërë në platformën “X” ka thënë se kushdo që beson në një të ardhme që mbështet vlerat e demokracisë dhe të të drejtave të njeriut do të votojë pro Kosovës për anëtarësim në KiE.
“Sot, anëtarëve të Asamblesë Parlamentare të Këshillit të Evropës u jepet mundësia të dërgojnë një mesazh të fuqishëm se Evropa qëndron e fortë në përkushtimin e saj ndaj demokracisë dhe të drejtave të njeriut! Secili që beson vërtet në një të ardhme që mbështet këto vlera do të votojë në favor të anëtarësimit të Kosovës në Këshillin e Evropës”, ka shkruar Osmani.
