Komuna e Prishtinës sot ka nënshkruar marrëveshjen për kredi 10 milionë euor me BERZH.
Kryetari i kryeqytetit, Përparim Rama sot ka qëndruar në Londër ku ka nënshkruar marrëveshjen që do të shërben për blerjen e 30 autobusëve, ku 6 nga ta do të jenë elektrik, shkruan kosovalive.net
POSTIMI I PLOTË I PËRPARIM RAMËS:
30 autobusë të rinj në kryeqytet 6 prej tyre autobusë elektrik
Sot nënshkruam Marrëveshjen për Kredi prej 10 milionë eurosh me BERZh, në selinë e tyre në Londër, për blerjen e 6 autobusëve elektrik dhe 24 autobusëve efiçient të modelit EURO-VI
Inkorporimi i autobusëve të parë elektrik në qytet dhe në vend është një moment kyç drejt tranzicionit të gjelbër
Kjo do të ketë një ndikim të prekshëm në jetën e qytetarëve tanë dhe do të ndërmarrë hapa kuptimplotë drejt një Prishtine më të shëndetshme dhe më të pastër
Shumë krenarë që vazhdojmë një bashkëpunim të ngushtë me partnerin tonë BERZH
