Shi i madh po bie në Prishtinë pas temperaturave tejet të larta që mbretëruan ditët e fundit, ashtu si edhe në disa fshatra e qytete tjera të vendit.
Pas rrebesheve të fuqishme të shiut që sot pasdite kapluan kryeqytetin, disa rrugë tashmë janë vërshuar.
Në një video të dërguar nga lexuesit e Reporteri.net shihet se gjendja në një rrugë afër Kuvendit të Kosovës që njihet rruga “Te katër llulat”, është bërë thuajse e pakalueshme pasi është vërshuar e tëra.
