Kancelari gjerman Olaf Scholz, ka paralajmëruar Teheranin kundër përshkallëzimit të mëtejshëm në Lindjen e Mesme pas sulmit të Iranit ndaj Izraelit, shkruan CNN, përcjell Kosovalive.net.
Scholz tha se sulmi “është një përshkallëzim serioz i situatës dhe nuk është në asnjë mënyrë i pranueshëm, i kuptueshëm apo i tolerueshëm”.
“Ne dënojmë fuqishëm sulmin iranian dhe paralajmërojmë kundër çdo përshkallëzimi të mëtejshëm. Irani nuk duhet të vazhdojë në këtë rrugë. Në të njëjtën kohë, është absolutisht e qartë për ne se ne qëndrojmë në solidaritet me Izraelin, i cili ka çdo të drejtë të mbrojë veten pas sulmit të tmerrshëm nga Hamasi ndaj qytetarëve izraelitë në tetor të vitit të kaluar”, tha ai.
