Sekretari i Përgjithshëm i NATOS- Jens Stoltenberg, ka deklaruar ditën e sotme se Rusia do ta përdorë dimrin që kemi përpara si një armë kundër Ukrainës në luftën që po zhvillon ndaj saj.
Motin e vështirë të dimrit ai do e përdorë për të sulmuar rrjetin elektrik në mënyrë që të ketë mungesë energjie në të gjithë vendin, gjë e cila është e domosdoshme në Ukrainë pasi temperaturat janë shumë të ulëta gjatë kësaj stine.
“Të bësh këtë kur të hyjmë në dimër tregon se presidenti (Vladimir) Putin tani po përpiqet të përdorë… dimrin si një armë lufte kundër Ukrainës,” u tha ai gazetarëve në një konferencë shtypi në Bukuresht përpara një takimi dy-ditor të NATO-s jashtë vendit.
Kjo vjen pasi presidenti ukrainas Volodymyr Zelenskyy paralajmëroi se Rusia po planifikonte sulme të reja ndaj vendit të tij, duke u kërkuar forcave të mbrojtjes dhe qytetarëve që të përgatiten për t’i bërë ballë një jave të re të tendosjes në rrjetin elektrik ndërsa temperaturat bien.
“Ne e kuptojmë se terroristët po planifikojnë sulme të reja. Ne e dimë këtë me një fakt,” tha Zelenskyy në fjalimin e tij të natës me video të dielën.
