Rusia ka lansuar një breshëri të re raketash në Ukrainë të premten dhe sistemet e mbrojtjes ajrore hynë në veprim në të gjithë vendin, thanë zyrtarët ukrainas.
Oleksiy Kuleba, guvernatori i rajonit të Kievit, tha se Rusia po “sulmon masivisht” vendin.
Si pasojë, shkruajnë mediat e huaja, janë vrarë të paktën tre persona.
Veç kësaj, kompania kombëtare e energjisë e Ukrainës thotë se më shumë se gjysma e konsumatorëve të energjisë në të gjithë Ukrainën janë prekur nga sulmet.
Në Kryvyi Rih, një ndërtesë banimi u godit, duke shkaktuar frikën se njerëzit mund të bllokoheshin në rrënoja.
“Shkallët u shkatërruan. Dy persona u vranë”, shkroi guvernatori rajonal Valentyn Reznichenko në Facebook.
“Të paktën pesë të tjerë u plagosën, duke përfshirë dy fëmijë”, shtoi ai. “Të gjithë janë në spital”.
Një person i tretë vdiq në rajonin jugor të Khersonit pasi një bllok apartamentesh u godit nga bombardimet ruse që shkaktuan një zjarr, thanë autoritetet rajonale. /Telegrafi/
Shpërndaje në
SONDAZH
Loading ...
