Ish-kryeprokurori i Gjykatës Speciale, Jack Smith është cilësuar si prokuror që për specialitet e ka ndjekjen e ish-presidentëve.
The Daily Beast ka shkruar për prokurorin që tani do ta provojë ta padis dhe ta vë prapa grilave Donald Trumpin, ish-presidentin amerikan, i cili si kryeprokuror i Speciales ka ndjekur për krime lufte edhe ish-presidentin e Kosovës, Hashim Thaçi, i cili gjendet në paraburgim.
Mediumi ka shkruar për historinë e përpjekjeve të Smith në Kosovë, siç shkruan, një vend i vogël në Evropën Juglindore që historikisht ishte një enklavë shqiptare në Serbi. Për Smith, sipas The Daily Beast, ishte e vështirë në çdo hap me rastin e Thaçit.
Smith duhej të mbronte punën e tij nga akuzat se po kryente një ndjekje të padrejtë politike për të hequr qafe liderin e preferuar të vendit. Dhe narrativa ishte se bashkëpunëtorët janë tradhtarë – dhe se prokurorët si Smith po përpiqeshin të shkatërronin vendin.
Që kur Departamenti i Drejtësisë i SHBA-së emëroi Smithin si prokuror special të besuar të hetonte ish-Presidentin Donald Trump muajin e kaluar, ka pasur dhjetëra profile lajmesh që fokusohen në kohën e tij si prokuror vendas që hetonte korrupsionin publik. Madje disa e kanë identifikuar gabimisht gjykatën ndërkombëtare ku ai shërbeu.
Por kyështë vështrimi i parë gjithëpërfshirës se çfarë saktësisht arriti ai gjatë një detyrë speciale jashtë vendit në Evropë, ku ai rrëzoi presidentin në detyrë të Kosovës—dhe fitoi kredencialet për të synuar një amerikan.
“Nuk është se ky është rodeo i tij i parë,” ka thënë për mediumin David Schwendiman, i cili udhëhoqi hetimin për rastin e Kosovës derisa Smith mori detyrën.
“Kjo ka pasoja të mëdha politike. Duhet guxim. Jack duhet të vendosë nëse do të padisë një ish-president të Shteteve të Bashkuara. Por të njëjtën gjë ka bërë edhe kur është fjala për Hashim Thaçin”, ka vazhduar ai.
Mediumi shkruan se ish-presidenti i Kosovës mbetet i mbyllur brenda një burgu në qytetin e Hagës në Holandë. Të kuptuarit se si ai arriti atje ndihmon në kontekstualizimin e trashëgimisë së Smith në zyrën e diskutueshme të prokurorit ndërkombëtar që ai drejtoi deri në muajin e kaluar – dhe aftësinë e tij për t’u përballur me Trump tani.
Artikulli i plotë KËTU.
Shpërndaje në
SONDAZH
Loading ...
