Fondacioni Friedrich Ebert (FES) në Prishtinë ka prezantuar draft-statutin për “Asociacionin e Komunave në të cilat Komuniteti Serb i Kosovës është Shumicë”, i hartuar nga kjo organizatë në partneritet me Institutin Evropian për Paqe (EIP).
Ky draft-statut thekson se Asociacioni do të jetë si person juridik i themeluar në përputhje me Kushtetutën dhe sistemin juridik të Kosovës. Tutje theksohet se Asociacioni/Bashkësia do të ketë simbolet e veta zyrtare, duke përfshirë stemën dhe flamurin, të cilat do të dizajnohen nga Bordi i Asociacionit/Bashkësisë në përputhje me Kushtetutën e Republikës së Kosovës dhe Ligjin për Lokal.
E pak para publikimit të këtij draft-statuti në zyrën e Lëvizjes Vetëvendosje kishte qëndruar drejtori i FES-it për Kosovë dhe Maqedoni të Veriut, René Schlee, që ishte përgjegjës për hartimin e këtij drafti, shkruan Demokracia.com.
Ai u prit nga sekretari Organizativ, Alim Rama dhe Sekretari për Marrëdhënie Ndërkombëtare, Hajrullah Çeku.
FES-i në Kosovë nuk është më i afërt me asnjë politikan kosovar se sa me Albin Kurtin.
Kurti kishte marrë pjesë në shumë forume të organizuara prej kësaj organizate që është e afërt me Partinë Social-Demokrate (SPD) të Gjermanisë.
Frank Hatke në marsin e vitit 2020 në cilësinë e Drejtorit të Zyrës në Kosovë do të shkruante një opinion të titulluar “Gjërat po dalin në dritë” e ku do të sulmonte ashpër oponentët e kryeministrit Kurti dhe do ta lavdëronte atë.
Në muajin shtator të vitit 2020, Kurti madje do të ishte pjesëmarrës edhe në një darkë të shtruar nga FES-i në Berlin me deputetë tjerë socialdemokratë.
Në nëntor të vitit 2021, FES do të organizonte një diskutim me Kurtin të titulluar “Kosova – një rreze shprese për Demokracinë në Evropën Juglindore?”
Çka përmban drafti i statutit të Asociacionit?
Sipas draftit, statuti i Asociacionit/Bashkësisë është akti më i lartë juridik i Asociacionit/Bashkësisë duke shtuar se statuti do të miratohet nga një kuvend themelues i Asociacionit/Bashkësisë, i përbërë nga anëtarët e votuar të kuvendeve komunale të komunave pjesëmarrëse në përputhje me Ligjin për Ratifikimin e Marrëveshjes së Parë dhe Kushtetutën e Republikës së Kosovës. Statuti do të miratohet me akt juridik të Qeverisë së Kosovës dhe do të marrë pushtetin e një Qeverie rregullore sipas sistemit juridik të Kosovës pas shqyrtimit nga Gjykata Kushtetuese.
Drafti përcakton se Kuvendi i Asociacionit/Bashkësisë është organi përgjegjës për ndryshimet e Statutit. Amendamentet e Statutit duhet të ndjekin të njëjtën gjë procedura si miratimi dhe miratimi.
“Asociacioni/Bashkësia përbëhet nga sa vijon dhjetë komuna dhe përfaqëson interesat e tyre dhe të banorëve të tyre. Anëtarësimi në Asociacion/Komunitet është vullnetar. Procedurat për anëtarësim shtesë, largim nga anëtarësimi dhe shpërbërja e Asociacionit/Bashkësisë përcaktohen me këtë Statut. Asociacioni/Bashkësia nuk do t’i zëvendësojë apo zvogëlojë të drejtat dhe interesat e komuniteteve në Republikën e Kosovës, siç parashihen Kushtetutën e saj dhe të parapara me sistemin juridik”, thuhet tutje në pikat që përbëjnë draftin.
Sipas këtij drafti, aktivitetet e Asociacionit/Bashkësisë bazohen në parimet e pjesëmarrjes vullnetare nga anëtarët e saj, avancimin e demokracisë dhe qeverisjes lokale, si dhe respektimin e dispozitave për mbrojtjen dhe përfaqësimin e të drejtave dhe interesave të komuniteteve të ngulitura në Kushtetutën dhe ligjet e Kosovës.
Drafti thotë se autoritetet komunale i bashkohen Asociacionit/Bashkësisë në bazë të vendimit të kuvendeve të tyre komunale në pajtim me dispozitat ligjore që rregullojnë vendimmarrjen e këtij organi komunal.
Sipas këtij drafti, Asociacioni/Bashkësia mund të shpërndahet vetëm me vendim të Kuvendit të saj të miratuar nga 2/3 e shumicës së anëtarëve të saj, ndërkaq në rast se vendimi për shpërbërjen merret nga Kuvendi i Asociacionit/Bashkësisë, shpërbërja e Asociacionit/Bashkësisë bëhet nga Qeveria.
Gjithashtu sipas këtij drafti, Asociacioni/Bashkësia ka të drejtën e vet buxhetin integral, llogaritë bankare dhe ka të drejtë të zotërojnë pronë dhe angazhohen në transaksione financiare.
