Sot në orën 18:00 përfundon afati për aplikim për akreditimin e vëzhguesve për votimin e 21 prillit lidhur me largimin e kryetarëve në veri.
Kjo është konfirmuar për Gazetën Online Reporteri.net nga zëdhënësi i KQZ-së, Valmir Elezi.
Ai theksoi se nuk do të ketë shtyrje të afatit, pasi siç tha ai 15 ditëshi ka qenë i mjaftueshëm për aplikim.
“Sot, më 15 prill, deri në orën 18:00, është afati i fundit për aplikim për akreditim të vëzhguesve për procesin e votimit më 21 prill. Nuk do të ketë shtyrje të këtij afati pasi konsiderojmë se afati 15 ditor ka qenë i mjaftueshëm për aplikim. Vetëm vëzhguesit e akredituar nga KQZ mund ta vëzhgojnë këtë proces votimi”, tha Elezi për Reporteri.net.
