Kryetari i Aleancës për Ardhmërinë e Kosovës (AAK), Ramush Haradinaj ka pritur sot në takim anëtarët e Komisionit për Integrime Evropiane nga Kuvendi i Shqipërisë.
Haradinaj në përvjetorin e 15-të të pavarësisë, ka shprehur mirënjohjen për kontributin e Shqipërisë për Kosovën.
“Në vigjilje të përvjetorit të 15-të të pavarësisë, prita në selinë e Aleancës për Ardhmërinë e Kosovës anëtarët e Komisionit për Integrim Evropian nga Kuvendi i Shqipërisë, kryesuar nga Jorida Tabaku. Pata kënaqësinë të pranoj urimet në këtë përvjetor të pavaresisë si dhe shpreha mirënjohjen time për kontributin e shtetit shqiptar për Kosovën”, ka shkruar Haradinaj.
Ai ka thënë se do të ecim bashkë si komb drejt integrimeve euro- atlantike.
“Në takim shpreha edhe njëherë përcaktimin tonë per thellimin e bashkëpunimit që të ecim bashkë si komb drejt integrimeve euro-atlantike!”, ka përfunduar Haradinaj.
Shpërndaje në
SONDAZH
Loading ...
