Ministrja e Drejtësisë Albulena Haxhiu ka mbajtur sot një konferencë për media pasi Gjykata Kushtetuese e ka hedhur poshtë Ligjin për Këshillin Prokurorial pas shkeljeve të shumta që kanë gjetur.
Ajo ka folur për kërkesën e opozitës për dorëheqje, duke thënë se një kërkesë e tyre po vjen pasi e kanë parë vullnetin dhe seriozitetin e Qeverisë Kurti për të jetësuar reformën në drejtësi.
Por thotë se s’është aty për t’i plotësuar kërkesat e opozitës.
“Për çfarë të japë dorëheqje. Ndoshta është mirë të pyetet opozita pse po e kërkojnë. Prej kur e kam marrë mandatin jam ballafaquar më kërkesat për dorëheqje, sepse konsideroj se kur e kanë parë vullnetin tonë dhe seriozitetin tonë për të jetësuar reformën në drejtësi, kanë filluar me kërkesat për dorëheqje.
Kërkesa për dorëheqje s’do të jetë e para as e fundit. Përsa kohë jemi duke iu shërbyer qytetarëve, ata do të vazhdojnë të bëjnë kërkesa të tillë. Por unë s’jam këtu për t’i plotësuar kërkesat e opozitës.
Por s’do të ndalemi pavarësisht sfidave”, ka thënë Haxhiu.
