Presidenti rus Vladimir Putin nuk do të mbajë konferencën e tij tradicionale për shtyp të fundvitit, ka njoftuar Kremlini, mes pengesave të shumta ushtarake ruse në Ukrainë dhe sanksioneve perëndimore të vendosura ndaj Moskës.
“Nuk do të ketë konferencë shtypi presidenciale deri në fillim të vitit të ri,” tha zëdhënësi i Kremlinit Dmitry Peskov në një konferencë telefonike, duke vënë në dukje se Putin ka folur me gazetarët edhe në raste të tjera, veçanërisht gjatë udhëtimeve të tij jashtë vendit. Që nga viti 2001, Vladimir Putin ka organizuar rregullisht një konfrontim në shkallë të gjerë me gazetarët, me përjashtim të periudhës nga viti 2008 deri në vitin 2012, kur ai mbante detyrën e kryeministrit.
Në atë konferencë vjetore për shtyp, e cila zakonisht zgjat disa orë, mblidhen qindra gazetarë rusë dhe të huaj dhe Putini u përgjigjet pyetjeve drejtpërdrejt për tema të ndryshme, nga diplomacia deri te temat e përditshme ruse.
Vendimi për të mos mbajtur konferencën tradicionale për shtyp të fundvitit erdhi pasi Rusia, e cila nisi një ofensivë ushtarake kundër Ukrainës në shkurt, pësoi pengesa të shumta ushtarake në muajt e fundit dhe urdhëroi një mobilizim të pjesshëm në shtator.
