Presidenti i Rusisë, Vladimir Putin, ka akuzuar perëndimin dhe Ukrainën për fillimin e luftës në Ukrainë.
Putin gjatë një fjalimi para një vjetorit të fillimit të luftës ka akuzuar perëndimin për shkaktimin e tensioneve.
“Ukraina dhe Donbasi janë bërë simbol i gënjeshtrave totale”, thotë Putin, duke akuzuar Perëndimin për tërheqje nga “marrëveshjet themelore” dhe për “deklarata hipokrite”, si dhe për zgjerimin e aleancës mbrojtëse të NATO-s dhe “na mbulon me një ombrellë”.
“Dua të përsëris: janë ata që janë fajtorë për luftën dhe ne po përdorim forcën për ta ndalur atë”, thotë Putin nën duartrokitje të mëdha, raporton BBC.
Putin thotë se gjatë Konferencës së Sigurisë së Mynihut të javës së kaluar – një mbledhje ndërkombëtare e profilit të lartë – shumë akuza u hodhën kundër Rusisë për t’u shmangur nga veprimet perëndimore. Ai përsëri hedh fajin për luftën me Perëndimin duke thënë se ata “e lanë xhindin nga shishja” dhe e zhytën të gjithë botën në kaos.
“Flijimet njerëzore dhe tragjeditë nuk llogariten prej tyre… Ata duhet të vazhdojnë të vjedhin nga të gjithë, duke u maskuar me slogane demokracie dhe lirie”.
Ndërsa vazhdon me këtë temë, Putin akuzon Perëndimin për “hapjen e rrugës” për nazistët për të marrë pushtetin në vitet 1930, dhe thotë se që nga shekulli i 19-të Perëndimi është përpjekur të heqë “tokat historike” të Rusisë – “çfarë është tani quajtur Ukrainë”.
“Gjithçka përsëritet”, thotë Putin, duke shtuar se Perëndimi financoi revolucionin e vitit 2014 në Ukrainë që përmbysi një qeveri pro-ruse. Ai thotë se kjo “krijoi rusofobinë, nacionalizmin ekstrem”.
Pak në 20 minutat e para të këtij fjalimi për gjendjen e kombit ka qenë për kombin dhe pjesa më e madhe ka qenë nga Putini që sulmon Perëndimin.
Shpërndaje në
SONDAZH
Loading ...
