Presidenti ukrainas, Volodymyr Zelenskyy, falënderoi të enjten Shtetet e Bashkuara për vendimin e tyre për të dërguar automjete të blinduara dhe një sistem shtesë të mbrojtjes ajrore Patriot në Ukrainë, shkruan AP, transmeton Kosovalive.
Kjo masë përfaqëson një përmirësim të rëndësishëm në fuqinë e armatimit të kërkuar urgjentisht nga Zelenskyy në luftën kundër pushtimit të Rusisë.
SHBA do të sigurojë automjetet e saj luftarake Bradley, ndërsa Gjermania po dërgon automjetet e saj Marder. Gjermania gjithashtu do t’i sigurojë Ukrainës një bateri Patriot – e dyta u nis për në vend pasi SHBA tha muajin e kaluar se do të dërgonte një nga sistemet e fuqishme të mbrojtjes ajrore.
“Sot do të doja të falënderoja personalisht Presidentin Biden dhe kancelarin Scholz për vendimin për të forcuar mbrojtjen tonë, një vendim shumë i rëndësishëm”, tha Zelenskyy në fjalimin e tij të rregullt televiziv të natës.
“Ne do të kemi një tjetër bateri Patriot dhe automjete të blinduara të fuqishme – kjo është me të vërtetë një fitore e madhe për shtetin tonë” shtoi ai.
Njoftimi për një bateri të re erdhi në një marrëveshje të përbashkët gjermano-amerikane, pasi kancelari Olaf Scholz foli me Presidentin e ShBA-së Joe Biden.
Presidenti ukrainas tha gjithashtu se rusët “duan të përdorin Krishtlindjet si një mbulesë për të ndaluar përparimin e djemve tanë në Donbas për një kohë dhe për të sjellë pajisje, municione dhe njerëz të mobilizuar më afër” në pozicionet ukrainase.
Ndërkaq, presidenti rus, Vladimir Putin, ka urdhëruar forcat e tij të armatosura të respektojnë një armëpushim të njëanshëm 36-orësh në Ukrainë këtë fundjavë për festën e Krishtlindjeve Ortodokse. Kievi tregoi se nuk do ta ndjekë kërkesën.
Zelenskyy përmendi gjithashtu thirrjen e tij me presidentin turk Rexhep Tajip Erdogan.
“Ne folëm për hapat e nevojshëm për të garantuar sigurinë ushqimore, çfarë duhet bërë për sigurinë bërthamore dhe parandalimin e çdo incidenti rrezatimi, kërcënimin e të cilit, për fat të keq, Rusia e ka bërë mjaft real”, tha Zelenskyy.
Putin lëshoi urdhrin e armëpushimit pasi Erdogan i kërkoi atij në një telefonatë të zbatonte një “armëpushim të njëanshëm”, sipas zyrës së presidentit turk.
Erdogan gjithashtu i tha Zelenskyyt më vonë përmes telefonit se Turqia ishte e gatshme të ndërmjetësonte një “paqe të qëndrueshme”.
Udhëheqësi turk ka bërë oferta të tilla shpesh, ka ndihmuar ndërmjetësimin e një marrëveshjeje që lejon Ukrainën të eksportojë miliona tonë drithë dhe ka lehtësuar shkëmbimin e të burgosurve.
Shpërndaje në
SONDAZH
Loading ...
