Nga mëngjesi e deri më tani kryeministri i Kosovës, Albin Kurti dhe presidenti i Serbisë, Aleksandar Vuçiq, po vazhdojnë takimet brenda selisë së Bashkimit Evropian në Bruksel.
Deri më tash nuk ka informacione të verifikueshme për mbarëvajtjen e bisedimeve midis palëve me ndërmjetësimin e shefit të diplomacisë së Bashkimit Evropian, Josep Borell dhe të dërguarit special të Bashkimit Evropian për Ballkanin Perëndimor, Miroslav Lajçak shkruan Kosovalivenet.
Ajo që mbetet me rëndësi është fakti nëse Kosova dhe Serbia do të arrijnë marrëveshje sot për çështjen e targave dhe të tjera tema për të cilat opinion publik nuk është i informuar./Kosovalive.net/
