Përballja mes Tyson Furyt dhe Oleksandr Usyk është më afër se sa duket – bashkëpromovuesi i britanikut Frank Warren i ka dërguar kontratën e parë ukrainasit dhe po presin përgjigjen së shpejti.
Warren dëshiron ta bëjë luftën në mars në stadiumin “Wembley” në Angli, por ata nuk përjashtojnë edhe Emiratet e Bashkuara Arabe si një vend.
“Ne dërguam kontratën e parë tashmë të hartuar”, tha Warren për talkSPORT në një intervistë.
“Ne duhet t’i zgjidhim detajet sa më shpejt të jetë e mundur. Për më tepër, ne duhet ta bëjmë atë shpejt sepse kemi kohë kundër nesh”.
Kështu që Tyson Fury do të përpiqet të unifikojë katër rripat kryesorë të peshave të rënda për herë të parë në histori.
